Rwy'n credu nad oes rhaniadau caled a chyflym i'r broses greadigol. Rwy'n hoffi pwysleisio strwythur a threfn yn y byd gweledol, boed yn dirlun, pensaernïaeth, paentio byw neu bortreadau. I mi, mae'r real a'r haniaethol yn cymysgu'n gyson.

Rwy'n ymwybodol o rym cadarnhaol ac ysbrydol golau a lliw, sy'n rhan annatod o’m gwaith. Gyda’i gilydd maent yn elfen weithredol yn fy arlunio, a ddefnyddir i atgyfnerthu strwythur ac i ddenu sylw’r gwyliwr.

Mae sgerbwd sylfaenol y deunydd pwnc yn rhan bwysig o’r broses ac mae’r ymgnawdoli dilynol o’r haenau hyn a’u harchwilio’n arwain at waith gorffenedig sy’n mynd â’r llygad a’r meddwl ar daith i galon y lluniad.