Ymddiriedolaeth Oriel Môn

Sefydlwyd yr ymddiriedolaeth yn nechrau 2020 i gefnogi Oriel Môn.

Mae eich cefnogaeth yn caniatau i ni guradu arddangosfeydd o bwysigrwydd cenedlaethol, ddatblygu ein rhaglen addysg, cyd weithio gyda’n cymunedau a chynnal ac astudio ein casgliadau.

Nawdd cofforaethol

Ydych chi'n unigolyn, busnes neu gwmni a fyddai'n hoffi rhoi rhywbeth yn ôl i Ynys Môn? P'run ai hanes, celf neu ddysgu sy’n mynd â’ch bryd, mae gennym nifer o gyfleoedd noddi y gellir eu teilwra ar eich cyfer. Cysylltwch ag orielmontrust@ynysmon.llyw.cymru

Cynllun aelodaeth yr ymddiriedolaeth

Gallwch gefnogi’n uniongyrchol waith Oriel Môn o ysbrydoli pobl trwy gasglu, addysgu a chreu arddangosfeydd sy'n dod ag arlunwyr a straeon Ynys Môn yn fyw. Am gyn lleied â £ 30 y flwyddyn, cewch helpu'r Oriel i barhau ac ehangu ei gwaith. Wrth i chi roi rhodd, cewch hefyd gymryd rhan yn ein gwaith. Cewch dderbyn newyddion am y sefyllfa ddiweddaraf ynghylch y prosiectau a'r gwaith ymchwil y mae'r Oriel yn ymwneud â nhw, cewch flaenoriaeth wrth archebu teithiau y tu ôl i'r llenni o'r casgliad celf gyda'n curadur. Byddwch hefyd yn elwa o ostyngiadau ar gyfer digwyddiadau ac yn y siop. I gael gwybod mwy a chofrestru.

Gadewch gymynrodd yn eich ewyllys

Rydym yn dibynnu ar grantiau a rhoddion i gyflwyno’n harddangosfeydd a'n rhaglenni addysgol, yn ogystal ag i ofalu am ein casgliadau - y gwaith celf a'r arteffactau sy'n gwneud Ynys Môn yn arbennig. Trwy gofio amdanom yn eich ewyllys, byddwch yn sicrhau y gall cenedlaethau o bobl sy'n byw ac yn gweithio yn Ynys Môn ac yn ymweld â hi, gael eu hysbrydoli gan ei chelf ysbrydoledig a'i straeon unigryw.

Waeth pa mor fawr neu fach yw, bydd rhodd yn ein helpu i gyflawni ac ehangu ein gwaith. Credwn y dylai’r rhai sy'n byw ac yn gweithio ar yr ynys fod â’r hawl i gael mynediad yn rhad ac am ddim i rai o waith celf ac arteffactau gorau'r genedl. A dweud y gwir, gwyddom y gall newid bywydau pobl.

I adael cymynrodd, bydd angen i chi gynnwys manylion yr Ymddiriedolaeth yn eich ewyllys, gan gynnwys yr enw, y rhif a'r cyfeiriad cyswllt;

Ymddiriedolaeth Oriel Môn
Rhif Elusen Gofrestredig: 111177305
Oriel Môn, Rhosmeirch, Llangefni, LL77 7TQ